Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Reddas amicis tempora, uxori vaces,
  2. Animum relaxes, otium des corpori,
  3. Ut assuetam fortius praestes vicem?
  4. Mutandum tibi propositum est ut vitae genus,
  5. Intrare si Musarum limen cogitas.
  6. Ego, quem Pierio mater enixa est iugo,
  7. In quo tonanti sancta Mnemosyne Iovi
  8. Fecunda novies artium peperit chorum,
  9. Quamvis in ipsa paene natus sim schola
  10. Curamque habendi penitus corde eraserim
  11. Et laude invicta vitam in hanc incubuerim,
  12. Fastidiose tamen in coetum recipior.
  13. Quid credis illi accidere, qui magnas opes
  14. Exaggerare quaerit omni vigilia,
  15. Docto labori dulce praeponens lucrum?