Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Legesne, quaeso, potius viles nenias,
  2. Impendas curam quam rei domesticae,
  3. Reddas amicis tempora, uxori vaces,
  4. Animum relaxes, otium des corpori,
  5. Ut assuetam fortius praestes vicem?
  6. Mutandum tibi propositum est ut vitae genus,
  7. Intrare si Musarum limen cogitas.
  8. Ego, quem Pierio mater enixa est iugo,
  9. In quo tonanti sancta Mnemosyne Iovi
  10. Fecunda novies artium peperit chorum,