Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Hac derideri fabula merito potest,
  2. Qui sine virtute vanas exercet minas.
  1. Quam dulcis sit libertas, breviter proloquar.
  2. Cani perpasto macie confectus lupus
  3. Forte occucurrit. Dein salutati invicem
  4. Ut restiterunt: Unde sic, quaeso, nites?
  5. Aut quo cibo fecisti tantum corporis?