Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Quando et formosos saepe inveni pessimos,
  2. Et turpi facie multos cognovi optimos.
  1. Successus ad perniciem multos devocat.
  2. Aesopo quidam petulans lapidem impegerat.
  3. Tanto inquit melior! Assem deinde illi dedit,
  4. Sic prosecutus: Plus non habeo mehercules,
  5. Sed unde accipere possis monstrabo tibi.