Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Equidem inquit alter me contemptum gaudeo;
  2. Nam nil amisi nec sum laesus vulnere.
  3. Hoc argumento tuta est hominum tenuitas;
  4. Magnae periclo sunt opes obnoxiae.
  1. Cervus nemorosis excitatus latibulis,
  2. Ut venatorum effugeret instantem necem,
  3. Caeco timore proximam villam petit
  4. Et opportuno se bovili condidit.
  5. Hic bos latenti: Quidnam voluisti tibi,
  6. Infelix, ultro qui ad necem cucurreris
  7. Hominumque tecto spiritum commiseris?
  8. At ille supplex: Vos modo inquit parcite;