Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Fame est consumptus; quem stans vulturius super
  2. Fertur locutus: O canis, merito iaces,
  3. Qui concupisti subito regales opes,
  4. Trivio conceptus, educatus stercore.
  1. Quamvis sublimes debent humiles metuere,
  2. Vindicta docili quia patet sollertiae.
  3. Vulpinos catulos aquila quondam sustulit
  4. Nidoque posuit pullis, escam ut carperent.
  5. Hanc persecuta mater orare incipit,
  6. Ne tantum miserae luctum importaret sibi.
  7. Contempsit illa, tuta quippe ipso loco.
  8. Vulpes ab ara rapuit ardentem facem
  9. Totamque flammis arborem circumdedit,
  10. Hosti dolorem damno miscens sanguinis.
  11. Aquila ut periclo mortis eriperet suos