Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Parvum tigillum, missum quod subito vadi
  2. Motu sonoque terruit pavidum genus.
  3. Hoc mersum limo cum iaceret diutius,
  4. Forte una tacite profert e stagno caput
  5. Et explorato rege cunctas evocat.
  6. Illae timore posito certatim adnatant
  7. Lignumque supera turba petulans insilit.
  8. Quod cum inquinassent omni contumelia,
  9. Alium rogantes regem misere ad Iovem,
  10. Inutilis quoniam esset qui fuerat datus.