Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Medicinam ignoto facere coepisset loco
  2. Et venditaret falso antidotum nomine,
  3. Verbosis acquisivit sibi famam strophis.
  4. Hic cum iaceret morbo confectus gravi
  5. Rex urbis, eius experiendi gratia
  6. Scyphum poposcit: fusa dein simulans aqua
  7. Miscere illius antidoto se toxicum,
  8. Ebibere iussit ipsum posito praemio.
  9. Timore mortis ille tum confessus est
  10. Non artis ulla medicum se prudentia,
  11. Verum stupore vulgi factum nobilem.
  12. Rex advocata contione haec addidit:
  13. Quantae putatis esse vos dementiae,
  14. Qui capita vestra non dubitatis credere,
  15. Cui calceandos nemo commisit pedes?