Saturae

Persius

Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. Heliconidasque pallidamque Pirenen
  2. illis remitto, quorum imagines lambunt
  3. hederae sequaces: ipse semipaganus
  4. ad sacra vatum carmen adfero nostrum.
  5. quis expedivit psittaco suum chaere,
  6. picamque docuit verba nostra conari?
  7. magister artis ingenique largitor
  8. venter, negatas artifex sequi voces;
  9. quod si dolosi spes refulserit nummi,
  10. corvos poetas et poetridas picas
  11. cantare credas Pegaseium nectar.
p.316
  1. O curas hominum, o quantum est in rebus inane!
  2. quis leget haec?min tu istud ais? nemo hercule.nemo?
  3. vel duo vel nemo.turpe et miserabile!quare?
  4. ne mihi Polydamas et Troiades Labeonem
  5. praetulerint? nugae. non, si quid turbida Roma
  6. elevet, accedas examenque improbum in illa
  7. castiges trutina, nec te quaesiveris extra,
  8. nam Romae [*]() quis non—ali, si fas dicere—sed fas
  9. tunc cum ad canitiem et nostrum istud vivere [*]() triste