Saturae

Persius

Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. nec in bicipiti somniasse Parnaso
  2. memini, ut repente sic poeta prodirem.
  3. Heliconidasque pallidamque Pirenen
  4. illis remitto, quorum imagines lambunt
  5. hederae sequaces: ipse semipaganus
  6. ad sacra vatum carmen adfero nostrum.
  7. quis expedivit psittaco suum chaere,
  8. picamque docuit verba nostra conari?
  9. magister artis ingenique largitor
  10. venter, negatas artifex sequi voces;
  11. quod si dolosi spes refulserit nummi,