Saturae

Persius

Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. essedaque ingentesque locat Caesonia Rhenos.
  2. dis igitur genioque ducis centum paria ob res
  3. egregie gestas induco. quis vetat? aude.
  4. vae, nisi conives! oleum artocreasque popello
  5. largior, an prohibes? dic clare non adeo, inquis,
    6. p.398
  6. exossatus ager iuxta est. age, si mihi nulla
  7. iam reliqua ex amitis, patruelis nulla, proneptis
  8. nulla manet patrui, sterilis matertera vixit,
  9. deque avia nihilum superest, accedo Bovillas
  10. clivumque ad Virbi, praesto est mihi Manius heres,
  11. progenies terrae? quaere ex me quis mihi quartus
  12. sit pater: haut prompte, dicam tamen; adde etiam unum,
  13. unum etiam: terrae est iam filius, et mihi ritu
  14. Manius hic generis prope maior avunculus exit.