Saturae

Persius

Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. tinguat olus siccum muria vafer in calice empta,
  2. ipse sacrum inrorans patinae piper; hic bona dente
  3. grandia magnanimus peragit puer. utar ego, utar,
  4. nec rhombos ideo libertis ponere lautus,
  5. nec tenuis sollers turdarum [*]() nosse salivas.
  6. Messe tenus propria vive et granaria, fas est,
  7. emole. quid metuas? occa, et seges altera in herba est.
  8. at vocat officium, trabe rupta Bruttia saxa
  9. prendit amicus inops remque omnem surdaque vota
  10. condidit Ionio, iacet ipse in litore et una
  11. ingentes de puppe dei iamque obvia mergis
  12. costa ratis lacerae: nunc et de caespite vivo
  13. frange aliquid, largire inopi, ne pictus oberret
  14. caerulea in tabula, sed cenam funeris heres
  15. negleget iratus, quod rem curtaveris; urnae
  16. ossa inodora dabit, seu spirent cinnama surdum
    17. [*](turdarum P1Sch.: turdorum aP2L.)
    p.396
  17. seu ceraso peccent casiae, nescire paratus:
  18. tune bona incolumis minuas? et Bestius urguet
  19. doctores Graios: ita fit; postquam sapere urbi
  20. cum pipere et palmis venit nostrum hoc maris expers,