Saturae

Persius

Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. Disce, sed ira cadat naso rugosaque sanna,
  2. dum veteres avias tibi de pulmone revello,
  3. non praetoris erat stultis dare tenvia rerum
  4. officia, atque usum rapidae permittere vitae;
  5. sambucam citius caloni aptaveris alto.
  6. stat contra ratio et secretam garrit in aurem,
  7. ne liceat facere id quod quis vitiabit [*]() agendo,
  8. publica lex hominum naturaque continet hoc fas,
  9. ut teneat vetitos inscitia debilis actus,
  10. diluis elleborum certo conpescere puncto
  11. nescius examen: vetat hoc natura medendi.
  12. navem si poscat sibi peronatus arator
  13. Luciferi rudis, exclamet [*]() Melicerta perisse
  14. frontem de rebus. Tibi recto vivere talo
  15. ars dedit et veri [*]() speciem [*]() dinoscere calles,
  16. nequa subaerato mendosum tinniat auro?
    17. [*](vitiabit L2 Sch.: vitiavit PaL1)[*](exclamat P.)[*](veri aL Prisc.: veris P Büch. Owen.)[*](speciem P Prisc.: specimen aL.)
    p.380
  17. quaeque sequenda forent quaeque evitanda vicissim,
  18. illa prius creta, mox haec carbone notasti?
  19. es modicus voti, presso lare, dulcis amicis?
  20. iam nunc adstringas, iam nunc granaria laxes,