Saturae

Persius

Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. nescio quid tecum grave cornicaris inepte,
  2. nec seloppo tumidas intendis rumpere buccas.
    3. p.370
  3. verba togae sequeris iunctura callidus acri,
  4. ore teres modico, pallentis radere mores
  5. doctus et ingenuo culpam deligere ludo.
  6. hinc trahe quae dicis [*]() mensasque relinque Mycenis
  7. cum capite et pedibus plebemque prandia noris.
  8. Non equidem hoc studeo, pullatis [*]() ut mihi nugis
  9. pagina turgescat dare pondus idonea fumo.
  10. secrete [*]() loquimur, tibi nunc hortante Camena
  11. excutienda damus praecordia, quantaque nostrae
  12. pars tua sit, Cornute, animae, tibi, dulcis amice,
  13. ostendisse iuvat, pulsa dinoscere cautus
  14. quid solidum crepet et pictae tectoria linguae.
  15. hic ego centenas ausim deposcere fauces,
  16. ut quantum mihi te sinuoso in pectore fixi,
  17. voce traham pura, totumque hoc verba resignent
  18. quod latet arcana non enarrabile fibra.
  19. Cum primum pavido custos mihi purpura cessit
  20. bullaque subcinctis Laribus donata pependit,