Saturae

Persius

Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. si potes. Egregium cum me vicinia dicat,
  2. non credam? viso si palles, inprobe, nummo,
  3. si facis in penem quidquid tibi venit, amarum
  4. si puteal multa cautus vibice flagellas,
  5. nequiquam populo bibulas donaveris aures.
  6. respue quod non es, tollat sua munera cerdo;
  7. tecum habita: notis quam sit tibi curta supellex.
p.368
  1. Vatibus hic mos est, centum sibi poscere voces,
  2. centum ora et linguas optare in carmina centum,
  3. fabula seu maesto ponatur hianda tragoedo,
  4. vulnera seu Parthi ducentis ab inguine ferrum.