Saturae

Persius

Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. scilicet ingenium et rerum prudentia velox
  2. ante pilos venit, dicenda tacendave calles.
  3. ergo ubi commota fervet plebecula bile,
  4. fert animus calidae fecisse silentia turbae
  5. maiestate manus, quid deinde loquere? Quirites,
  6. hoc puta [*]() non iustum est; illud male,rectius illud.
  7. scis etenim iustum gemina suspendere lance
  8. ancipitis librae, rectum discernis ubi inter
  9. curva subit vel cum fallit pede regula varo,
  10. et potis es nigrum vitio praefigere theta.