Saturae

Persius

Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. sed praecedenti [*]() spectatur mantica tergo!
  2. quaesieris nostin Vettidi praedia? cuius?
  3. dives arat Curibus quantum non miluus errat.
  4. hunc ais, hunc dis iratis genioque sinistro,
  5. qui, quandoque iugum perfusa ad compita figit,
  6. seriolae veterem metuens deradere limum,
  7. ingemit hoc bene sit tunicatum cum sale mordens
  8. caepe, et farrata [*]() pueris plaudentibus olla [*]()
  9. pannosam faecem morientis sorbet aceti?
  10. at si unctus cesses et figas in cute solem,
  11. est prope te ignotus, cubito qui tangat et acre
  12. despuat: hi mores! penemque arcanaque lumbi
  13. runcantem populo marcentis pandere vulvas!
  14. tunc cum maxillis balanatum gausape pectas,
  15. inguinibus quare detonsus gurgulio extat?
  16. quinque palaestritae licet haec plantaria vellant
  17. elixasque nates labefactent forcipe adunca,
  18. non tamen ista filix ullo mansuescit aratro.’
  19. Caedimus inque vicem pracbemus crura sagittis,
  20. vivitur hoc pacto, sic novimus, ilia subter