Saturae

Persius

Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. iure etenim id summum, quid dexter senio ferret
  2. scire erat in voto, damnosa canicula quantum
  3. raderet, angustae collo non fallier orcae,
  4. neu quis callidior buxum torquere flagello.
  5. Haut tibi inexpertum curvos deprendere, mores,
  6. quaeque docet sapiens bracatis inlita Medis
  7. porticus, insomnis quibus et detonsa iuventus
  8. invigilat siliquis et grandi pasta polenta;
  9. et tibi, quae Samios diduxit [*]() littera ramos,