Saturae

Persius

Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. hunc—cuinam? cuinam? vis Staio? an scilicet haeres?
  2. quis potior iudex puerisve quis aptior orbis?
  3. hoc igitur, quo tu Iovis aurem impellere temptas,
  4. dic agedum Staio: pro Iuppiter! o bone, clamet,
  5. Iuppiter! at sese non clamet Iuppiter ipse?
  6. ignovisse putas, quia, cum tonat, ocius ilex
  7. sulpure discutitur sacro quam tuque domusque?
  8. an quia non fibris ovium Ergennaque iubente
  9. triste iaces lucis evitandumque bidental,
  10. idcirco stolidam praebet tibi vellere barbam
  11. Iuppiter? aut quidnam est qua tu mercede deorum