Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. restituit multos aut poenae parte levavit
  2. Caesar: et in multis me, precor, esse velit,
  3. at tu, cum tali populus sub principe simus,
  4. adloquio profugi credis inesse metum?
  5. forsitan haec domino Busiride iure timeres,
  6. aut solito clausos urere in aere viros,
  7. desine mitem animum vano infamare timore,
  8. saeva quid in placidis saxa vereris aquis?
  9. ipse ego quod primo scripsi sine nomine vobis,
  10. vix excusari posse mihi videor,
  11. sed pavor attonito rationis ademerat usum,
  12. cesserat omne novis consiliumque malis,
  13. fortunamque meam metuens, non vindicis inani,
  14. terrebar titulo nominis ipse mei.
  15. hactenus admonitus memori concede poëtae [*](sodali)
  16. ponat ut in chartis nemina cara suis.