Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. forte senex quidam, coetu cum staret in illo,
  2. reddidit ad nostros talia verba sonos :
  3. ‘nos quoque amicitiae nomen, bone, novimus hospes,
  4. quos procul a vobis Pontus et Hister [*](Pontus et Hister barbarus ister, etc.) habet.
  5. est locus in Scythia, Tauros dixere priores,
  6. qui Getica longe non ita distat humo.
  7. hac ego sum terra (patriae nec paenitet) ortus:
  8. consortem Phoebi gens colit illa deam.
  9. templa manent hodie vastis innixa columnis,
  10. perque quater denos itur in illa gradus,