Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. praestat et exulibus pacem tua laurea. Caesar:
  2. Pontica finitimo terra sub hoste iacet.
  3. tempus in agrorum cultu consumere dulce est:
  4. non patitur verti barbarus hostis humum.
  5. temperie caeli corpusque animusque iuvatur:
  6. frigore perpetuo Sarmatis ora riget.
  7. est in aqua dulci non invidiosa voluptas:
  8. aequoreo bibitur cum sale mixta palus.