Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. mitius exilium faciunt loca: tristior ista
  2. terra sub ambobus non iacet ulla polis.
  3. est aliquid patriis vicinum finibus esse:
  4. ultima me tellus, ultimus orbis habet.
  5. praestat et exulibus pacem tua laurea. Caesar:
  6. Pontica finitimo terra sub hoste iacet.
  7. tempus in agrorum cultu consumere dulce est:
  8. non patitur verti barbarus hostis humum.
  9. temperie caeli corpusque animusque iuvatur:
  10. frigore perpetuo Sarmatis ora riget.