Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. hoc tibi facturo, vel si non ipse rogarem,
  2. accedat cumulus gratia nostra levis,
  3. non ego laudandus, sed sunt tua pectora, lacte
  4. et non calcata candidiora nive:
  5. mirarisque alios, cum sis mirabilis ipse,
  6. nec lateant artes eloquiumque tuum.
  7. te iuvenum princeps, cui dat Germania nomen,
  8. participem studii Caesar habere solet.
  9. tu comes antiquus, tu primis iunctus ab annis
  10. ingenio mores aequiperante places.
  11. te dicente prius fit protinus impetus illi:
  12. teque habet elicias qui sua verba tuis.
  13. cum tu desisti mortaliaque ora quierunt
  14. tectaque non longa continuere mora,