Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. Ecquid ab impressae cognoscis imagine cerae
  2. haec tibi Nasonem scribere verba. Macer?
  3. auctorisque sui si non est anulus index,
  4. cognitane est nostra littera facta manu?
  5. an tibi notitiam mora temporis eripit horum,
  6. nec repetunt oculi signa vetusta tui?
  7. sis licet oblitus pariter gemmaeque manusque,
  8. exciderit tantum ne tibi cura mei.