Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. tandem aliquid pulsa curarum nube serenum
  2. vidi, fortunae verba dedique meae.
  3. nolit ut ulla [*](noluit illa) mihi contingere gaudia Caesar,
  4. velle potest cuivis haec tamen una dari.
  5. di quoque, ut a cunctis hilari pietate colantur,
  6. tristitiam poni per sua festa iubent.
  7. denique, quod certus furor est audere fateri,
  8. hac ego laetitia, si vetet ipse, fruar.