Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. et mala Nasonem, quoniam meruisse videtur,
  2. si non ferre doles, at meruisse dole.
  1. A tibi dilecto missam Nasone salutem
  2. accipe, pars animae magna, Severe, meae.
  3. neve roga quid agam. si persequar omnia, flebis;
  4. summa satis nostri si [*](sit) tibi nota mali.
  5. vivimus assiduis expertes pacis in armis,
  6. dura pharetrato bella movente Geta.
  7. deque tot expulsis sum miles in exule solus :
  8. tuta, neque invideo, cetera turba latet,