Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. finge legi, quodque est mirabile, finge placere:
  2. auctorem certe res iuvat ista nihil,
  3. quid tibi, si calidae, prosit, laudere Syenae, [*](calidae syene etc. corr. Riese)
  4. aut ubi Taprobanen Indica tinguit aqua?
  5. altius ire libet? si te distantia longe
  6. Pleiadum laudent signa, quid inde feras?
  7. sed neque pervenio scriptis mediocribus istuc,
  8. famaque cum domino fugit ab urbe suo.