Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. vos quoque felices, quarum clamantia fratrem
  2. cortice velavit populus ora novo!
  3. ille ego sum, lignum qui non admittar in ullum:
  4. ille ego sum, frustra qui lapis esse velim.
  5. ipsa Medusa oculis veniat licet obvia nostris,
  6. amittet vires ipsa Medusa suas.
  7. vivimus ut numquam sensu careamus amaro,
  8. et gravior longa fit mea poena mora.
  9. sic inconsumptum Tityi semperque renascens
  10. non perit, ut possit saepe perire, iecur.