Ex Ponto

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. non epulis oneror: quarum si tangar amore,
  2. est tamen in Geticis copia nulla locis,
  3. nec vires adimit Veneris damnosa voluptas:
  4. non solet in maestos illa venire toros.
  5. unda locusque nocent et causa valentior istis,
  6. anxietas animi, quae mihi semper adest.
  7. haec nisi tu pariter simili cum fratre levares,
  8. vix mens tristitiae nostra tulisset onus.