Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. denique vindictae si sit mihi nulla facultas,
  2. Pierides vires et sua tela dabunt,
  3. quod Scythicis habitem longe summotus in oris,
  4. siccaque sint oculis proxima signa meis,
  5. nostra per inmensas ibunt praeconia gentes,
  6. quodque querar notum qua patet orbis erit.
  7. ibit ad occasum quicquid dicemus ab ortu,
  8. testis et Hesperiae vocis Eous erit.