Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. sic igitur, tarda vires minuente senecta,
  2. me quoque donari iam rude tempus erat.
  3. tempus erat nec me peregrinum ducere caelum,
  4. nec siccam Getico fonte levare sitim,
  5. sed modo, quos habui, vacuos secedere in hortos,
  6. nunc hominum visu rursus et urbe frui.
  7. sic animo quondam non divinante futura
  8. optabam placide vivere posse senex.
  9. fata repugnarunt, quae, cum mihi tempora prima
  10. mollia praebuerint, posteriora gravant.