Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. frigida me cohibent Euxini litora Ponti :
  2. dictus ab antiquis Axenus ille fuit.
  3. nam neque iactantur moderatis aequora ventis,
  4. nec placidos portus hospita navis adit.
  5. sunt circa gentes, quae praedam sanguine quaerunt;
  6. nec minus infida terra timetur aqua.
  7. illi, quos audis hominum gaudere cruore,
  8. paene sub eiusdem sideris axe iacent,
  9. nec procul a nobis locus est, ubi Taurica dira
  10. caede pharetratae spargitur ara deae.
  11. haec prius, ut memorant, non invidiosa nefandis
  12. nec cupienda bonis regna Thoantis erant.