Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. altaque velentur fortasse Palatia sertis,
  2. turaque in igne sonent inficiantque diem,
  3. candidaque adducta collum percussa securi
  4. victima purpureo sanguine pulset humum,
  5. donaque amicorum templis promissa deorum
  6. reddere victores Caesar uterque parent,
  7. et qui Caesareo iuvenes sub nomine crescunt,
  8. perpetuo terras ut domus illa regat,
  9. cumque bonis nuribus pro sospite Livia nato
  10. munera det meritis, saepe datura, deis,
  11. et pariter matres et quae sine crimine castos
  12. perpetua servant virginitate focos;