Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. editus hic ego sum, nec non, ut tempora noris,
  2. cum cecidit fato consul uterque pari
  3. si quid id est, usque a proavis [*](si quid (quis) et a proavis usque est) vetus ordinis heres
  4. non modo fortunae munere factus eques,
  5. nec stirps prima fui; genito sum fratre creatus,
  6. qui tribus ante quater mensibus ortus erat.
  7. Lucifer amborum natalibus affuit idem:
  8. una celebrata est per duo liba dies;
  9. haec est armiferae [*](armigerae) festis de quinque Minervae,
  10. quae fieri pugna prima cruenta solet.
  11. protinus excolimur teneri curaque parentis
  12. imus ad insignes urbis ab arte viros.