Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. utque rapax pecudem, quae se non texit ovili,
  2. per sata, per silvas fertque trahitque lupus,
  3. sic, siquem nondum portarum saepe [*](sede: saepe σ ) receptum
  4. barbarus in campis repperit hostis, habet:
  5. aut sequitur captus coniectaque vincula collo
  6. accipit, aut telo virus habente perit.
  7. hic ego sollicitae lateo novus incola sedis .
  8. heu nimium fati tempora longa [*](lenta) mei!
  9. et tamen ad numeros antiquaque sacra reverti
  10. sustinet in tantis hospita Musa malis,
  11. sed neque cui recitem quisquam est mea carmina, nec qui
  12. auribus accipiat verba Latina suis.
  13. ipse mihi—quid enim faciam?—scriboque legoque,
  14. tutaque iudicio littera nostra suo est.