Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. optavi, peteres caelestia sidera tarde,
  2. parsque fui turbae parva precantis idem,
  3. et pia tura dedi pro te, cumque omnibus unus
  4. ipse quoque adiuvi publica vota meis.
  5. quid referam libros, illos quoque, crimina nostra,
  6. mille locis plenos nominis esse tui?
  7. inspice maius opus, quod adhuc sine fine tenetur,[*](tenetur reliqui)
  8. in non credendos corpora versa modos:
  9. invenies vestri praeconia nominis illic,
  10. invenies animi pignora multa mei.