Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. inter tot populi, tot scriptis, milia nostri,
  2. quem mea Calliope laeserit, unus ero.
  3. non igitur nostris ullum gaudere Quiritem
  4. auguror, at multos indoluisse malis;
  5. nec mihi credibile est, quemquam insultasse iacenti
  6. gratia candori si qua relata meo est.
  7. his, precor, atque aliis possint tua numina flecti,
  8. o pater, o patriae cura salusque tuae!
  9. non ut in Ausoniam redeam, nisi forsitan olim,
  10. cum longo poenae tempore victus eris;