Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. inspice ludorum sumptus, Auguste, tuorum:
  2. empta tibi magno talia multa leges.
  3. haec tu spectasti spectandaque saepe dedisti
  4. maiestas adeo comis ubique tua est—
  5. luminibusque tuis, totus quibus utitur orbis,
  6. scaenica vidisti lentus adulteria.
  7. scribere si fas est imitantes turpia mimos,
  8. materiae minor est debita poena meae.
  9. an genus hoc scripti faciunt sua pulpita tutum,
  10. quodque licet, mimis scaena licere dedit?
  11. et mea sunt populo saltata poemata saepe,
  12. saepe oculos etiam detinuere tuos.