Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. impia nec tragicos tetigisset Scylla cothurnos,
  2. ni patrium crinem desecuisset amor.
  3. qui legis Electran et egentem mentis Oresten, [*](orestem)
  4. Aegisthi crimen Tyndaridosque legis.
  5. nam quid de tetrico referam domitore Chimaerae,
  6. quem leto fallax hospita paene dedit?
  7. quid loquar Hermionen, quid te, Schoeneïa virgo,
  8. teque, Mycenaeo Phoebas amata duci.
  9. quid Danaen Danaesque nurum matremque Lyaei
  10. Haemonaque et noctes cui coiere duae?
  11. quid Peliae generum, quid Thesea, quique [*](quidve vel corr. Ehwald) Pelasgum
  12. Iliacam tetigit de rate primus humum?
  13. huc Iole Pyrrhique parens, huc Herculis uxor,
  14. huc accedat Hylas Iliacusque puer.
  15. tempore deficiar, tragicos si persequar ignes,
  16. vixque meus capiet nomina nuda Uber.
  17. est et in obscenos commixta [*](deflexa) tragoedia risus,
  18. multaque praeteriti verba pudoris habet;
  19. nec nocet auctori, mollem qui fecit Achillem,
  20. infregisse suis fortia facta modis,