Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. non ideo debet pelago se credere, siqua
  2. audet in exiguo ludere cumba lacu.
  3. forsan—et hoc dubitem—numeris levioribus aptus
  4. sim satis, in parvos sufficiamque modos:
  5. at si me iubeas domitos Iovis igne Gigantes
  6. dicere, conantem debilitabit onus
  7. divitis ingenii est immania Caesaris acta
  8. condere, materia ne superetur opus.
  9. et tamen ausus eram; sed detrectare videbar,
  10. quodque nefas, damno viribus esse tuis.
  11. ad leve rursus opus, iuvenalia carmina, veni,
  12. et falso movi pectus amore meum.