Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. at quasdam vitio. quicumque hoc concipit, errat,
  2. et nimium scriptis arrogat ille meis.
  3. ut tamen hoc fatear, ludi quoque semina praebent
  4. nequitiae: tolli tota theatra iube!
  5. peccandi causam multis quam [*](multi quam vel quam multis corr. Riese) saepe dederunt.
  6. Martia cum durum sternit harena solum!
  7. tollatur Circus! non tuta licentia Circi est.
  8. hic sedet ignoto iuncta puella viro.
  9. cum quaedam spatientur in hoc, [*](hac) ut amator eodem [*](eadem)
  10. conveniat, quare porticus ulla patet .
  11. quis locus est templis augustior? haec quoque vitet,
  12. in culpam siqua est ingeniosa suam.
  13. cum steterit Iovis aede, Iovis succurret in aede
  14. quam multas matres fecerit ille deus.
  15. proxima adoranti Iunonis templa subibit,
  16. paelicibus multis hanc doluisse deam.
  17. Pallade conspecta, natum de crimine virgo
  18. sustulerit quare, quaeret, Erichthonium.
  19. venerit in magni templum, tua munera, Martis,
  20. stat Venus Ultori iuncta, vir [*](viro) ante fores.