Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. tot mala sum passus, quot in aethere sidera lucent
  2. parvaque quot siccus corpora pulvis habet;
  3. multaque credibili tulimus maiora ratamque,
  4. quamvis acciderint, non habitura fidem.
  5. pars etiam quaedam mecum moriatur oportet,
  6. meque velim possit dissimulante tegi.
  7. si vox infragilis, pectus mihi firmius aere, [*](heret vel esset corr. σ )
  8. pluraque cum linguis pluribus ora forent,
  9. non tamen idcirco complecterer omnia verbis,
  10. materia vires exsuperante meas.
  11. pro duce Neritio docti mala nostra poetae
  12. scribite . Neritio nam mala plura tuli.
  13. ille brevi spatio multis erravit in annis
  14. inter Dulichias Iliacasque domos:
  15. nos freta sideribus totis distantia mensos
  16. sors tulit [*](sors tulit σ detulit) in Geticos Sarmaticosque sinus,
  17. ille habuit fidamque manum sociosque fideles:
  18. me profugum comites deseruere mei.
  19. ille suam laetus patriam victorque petebat:
  20. a patria fugi victus et exul ego.