Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. spiritus et vacuas prius hic tenuandus in auras
  2. ibit, et in tepido deseret ossa rogo,
  3. quam subeant animo meritorum oblivia nostro,
  4. et longa pietas excidat ista die.
  5. di tibi sint faciles, tibi di [*](et opis vel sisui: tibi di Ehwald) nullius egentem
  6. fortunam praestant dissimilemque meae.
  7. si tamen haec navis vento ferretur amico,
  8. ignoraretur forsitan ista fides.
  9. Thesea Pirithous non tam sensisset amicum,
  10. si non infernas vivus adisset aquas,