Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. fleximus in laevum cursus, et ab Hectoris urbe
  2. venimus ad portus, Imbria terra, tuos.
  3. inde, levi vento Zerynthia litora nacta,
  4. Threïciam tetigit fessa carina Samon.
  5. saltus ab hac contra brevis est Tempyra petenti:
  6. hac dominum tenus est illa secuta suum.
  7. nam mihi Bistonios placuit pede carpere campos:
  8. Hellespontiacas illa relegit [*](reliquit: relegit σ ) aquas
  9. Dardaniamque petit, auctoris nomen habentem,
  10. et te ruricola, Lampsace, tuta deo,
  11. quodque per angustas vectae male virginis undas
  12. Seston Abydena separat urbe fretum,
  13. inque Propontiacis haerentem Cyzicon oris,
  14. Cyzicon, Haemoniae nobile gentis opus,
  15. quaeque tenent Ponti Byzantia litora fauces:
  16. hic locus est gemini ianua vasta maris.
  17. haec, precor, evincat, propulsaque fortibus Austris
  18. transeat instabilis strenua Cyaneas
  19. Thyniacosque sinus, et ab his per Apollinis urbem arta [*](apta vel alta vel vecta: arta σ )
  20. sub Anchiali moenia tendat iter.