Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. Sunion expositum Piraeaque tuta recessu
  2. linquit et in dextrum quae iacet ora latus.
  3. hinc init Aegaeum, quo Cycladas aspicit omnes,
  4. Ioniumque rapax Icariumque legit,
  5. perque urbes Asiae longum petit Hellespontum,
  6. diversumque locis alta pererrat iter.
  7. nam modo turilegos Arabas, modo despicit Indos,
  8. hinc Libys, hinc Meroe siccaque terra subest;
  9. nunc adit Hesperios Rhenum Rhodanumque Padumque
  10. teque, future parens, Thybri, potentis aquae,
  11. quo feror? inmensum est erratas dicere terras:
  12. praeteritus Cereri nullus in orbe locus.
  13. errat et in caelo liquidique inmunia ponti
  14. adloquitur gelido proxima signa polo: