Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. ipsa peti volui, nec sit mora, mitte volentem.
  2. dignus Roma locus, quo deus omnis eat.’
  3. ille soni terrore pavens proficiscere, dixit
  4. nostra eris: in Phrygios Roma refertur avos.
  5. protinus innumerae caedunt pineta secures
  6. illa, quibus fugiens Phryx pius usus erat:
  7. mille manus coeunt, et picta coloribus ustis
  8. caelestum Matrem concava puppis habet,
  9. illa sui per aquas fertur tutissima nati
  10. longaque Phrixeae stagna sororis adit
  11. Rhoeteumque rapax Sigeaque litora transit
  12. et Tenedum et veteres Eetionis opes.
  13. Cyclades excipiunt, Lesbo post terga relicta,
  14. quaeque Carysteis frangitur unda vadis.