Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. Sithonas et Scythicos longum narrare triumphos
  2. et domitas gentes, turifer Inde, tuas.
  3. tu quoque Thebanae mala praeda tacebere matris,
  4. inque tuum furiis acte, Lycurge, genu.
  5. ecce libet subitos pisces Tyrrhenaque monstra
  6. dicere, sed non est carminis huius opus;
  7. carminis huius opus causas exponere, quare
  8. vilis anus populos ad sua liba vocet,
  9. ante tuos ortus arae sine honore fuerunt,
  10. Liber, et in gelidis herba reperta focis,
  11. te memorant Gange totoque Oriente subacto
  12. primitias magno seposuisse Iovi.
  13. cinnama tu primus captivaque tura dedisti
  14. deque triumphato viscera tosta bove.