Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. cui pater est vivax, qui matris digerit annos,
  2. quae premit invisam socrus iniqua nurum.
  3. Tantalidae fratres absint et Iasonis uxor
  4. et quae ruricolis semina tosta dedit,
  5. et soror et Procne Tereusque duabus iniquus
  6. et quicumque suas per scelus auget opes.
  7. dis generis date tura boni (Concordia fertur
  8. illa praecipue mitis adesse die)
  9. et libate dapes, ut, grati pignus honoris,
  10. nutriat incinctos missa patella Lares.
  11. iamque ubi suadebit placidos nox humida somnos,
  12. larga precaturi sumite vina manu,
  13. et bene vos, bene te, patriae pater, optime Caesar!
  14. dicite suffuso per sacra verba mero.
    15. [*](23. F TER — NP)
  15. Nox ubi transient, solito celebretur honore
  16. separat indicio qui deus arva suo.
  17. Termine, sive lapis, sive es defossus in agro
  18. stipes, ab antiquis tu quoque numen habes.
  19. te duo diversa domini de parte coronant
  20. binaque serta tibi binaque liba ferunt.