Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. scortea non illi fas est inferre sacello,
  2. ne violent puros exanimata focos.
  3. siquis amas veteres ritus, adsiste precanti:
  4. nomina percipies non tibi nota prius.
  5. Porrima placatur Postvertaque, sive sorores
  6. sive fugae comites, Maenali diva, tuae:
  7. altera, quod porro fuerat, cecinisse putatur,
  8. altera, venturum postmodo quicquid erat.
    9. [*](16. HC)
  9. Candida, te niveo posuit lux proxima templo,
  10. qua fert sublimes alta Moneta gradus:
  11. nunc bene prospicies Latiam, Concordia, turbam,
  12. nunc te sacratae constituere manus.
  13. Furius antiquam populi superator Etrusci
  14. voverat et voti solverat ille fidem,
  15. causa, quod a patribus sumptis secesserat armis
  16. volgus, et ipsa suas Roma timebat opes.
  17. causa recens melior: passos Germania crines
  18. porrigit auspiciis, dux venerande, tuis;
  19. inde triumphatae libasti munera gentis
  20. templaque fecisti, quam colis ipse, deae.